ᑖᓐᓇ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖅ ᑲᑎᑎᑦᑎᕗᖅ ᑭᒡᒐᖅᑐᐃᔨᓂᒃ ᖑᔪᓂᒃ ᐅᑭᐅᖅᑕᖅᑐᒥᑦ ᓄᓇᓕᒃᔪᖓᓂᕐᒥᐅᓂᑦ ᐊᒻᒪᓗ ᓄᓇᖃᖅᑳᖅᓯᒪᔪᓂᒃ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᑕᓂᒃ. ᑖᓐᓇ ᑲᑎᒪᓂᕐᔪᐊᖅ ᓴᖏᓕᖅᑎᑦᑎᒃᑲᓐᓂᖅᐳᖅ ᓴᓇᐅᒐᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᑐᖃᕆᔭᐅᔪᓂᒃ ᐅᑭᐅᖅᑕᖅᑐᒥᐅᓂᑦ ᐊᒻᒪᓗ ᐱᕙᓪᓕᐊᑎᑦᑎᓪᓗᓂ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᑦ ᐱᓕᕆᖃᑎᒌᖕᓂᖏᓐᓂᒃ ᐱᓕᕆᖃᑎᒌᑦᑎᐊᖅᑎᑦᑎᓇᓱᒃᖢᑎᒃ ᓴᓇᐅᒐᓕᕆᓂᕐᒧᑦ ᐊᒻᒪᓗ ᐃᓱᒪᒃᓴᖅᓯᐅᕈᓐᓇᕐᓂᐊᕐᒪᑕ. ᑕᐃᒪᐃᖁᓪᓗᒋᑦ ᑖᓐᓇ ᑲᑎᒪᓂᕐᔪᐊᖅ ᓴᖅᑭᑎᑦᑎᕗᖅ ᐅᑭᐅᖅᑕᖅᑐᒥᐅᓂᒃ ᐅᑭᐅᖅᑕᖅᑐᒥᐅᓄᑦ ᐱᕝᕕᒃᓴᖃᑦᑎᐊᖁᓪᓗᒋᑦ, ᕿᓂᕈᓐᓇᑦᑎᐊᕐᓂᐊᕐᒪᑕ ᐊᐱᖅᑯᑎᒃᓴᑦᑎᐊᕙᖕᓂᒃ, ᐊᒻᒪᓗ ᐅᖃᐅᒃᓴᖃᑦᑎᐊᕈᓐᓇᕐᓂᐊᕐᒪᑕ.
ᑲᓇᑕᒥ ᑲᑎᒪᔨᕐᔪᐊᑦ ᑕᒪᒃᑯᓄᖓ ᓴᓇᐅᒐᓕᕆᓂᕐᒧᑦ ᐊᒻᒪᓗ ᔫᑳᓐᒥᐅᑦ ᒐᕙᒪᖓᑦ ᑐᖓᓱᒃᑎᑦᑎᓂᐊᖅᐳᑦ ᐱᖓᔪᒋᖓᓂᒃ ᐅᑭᐅᖅᑕᖅᑐᒥ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᕐᒥᑦ ᕗᐊᐃᑦᕼᐅᕐᔅᒥᑦ, ᔫᓐ 27-ᒥᑦ 29−ᒧᑦ, 2022, ᐊᒻᒪᓗ ᑕᖅᑭᓂᒃ 7-ᓂᒃ ᖃᕆᓴᐅᔭᑎᒍᑦ ᐱᓕᕆᓂᐊᖅᖢᑎᒃ ᑲᑎᒪᓂᕐᔪᐊᕐᔪᑦ ᑎᑭᐅᑎᓗᒍ. ᖃᐅᔨᔪᓐᓇᕐᓂᐊᖅᐳᑎᑦ ᑕᒪᒃᑯᓂᖓ ᐅᕙᓂ ᐱᔾᔪᑕᐅᔪᓂᒃ.
2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖅ ᓴᖏᓕᖅᑎᑦᑎᑲᓐᓂᕐᓂᐊᖅᐳᖅ ᓴᓇᐅᒐᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᑐᖃᕆᔭᐅᔪᓂᒃ ᐅᑭᐅᖅᑕᖅᑐᒥᐅᓄᑦ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᑦ ᐱᓕᕆᖃᑎᒌᖕᓂᖏᓐᓄᑦ ᐱᓕᕆᖃᑎᒌᑦᑎᐊᕈᓐᓇᕐᓂᐊᕐᒪᑕ ᓴᓇᐅᒐᓕᕆᓂᕐᒧᑦ ᐊᒻᒪᓗ ᐃᓱᒪᒃᓴᖅᒥᐅᕈᓐᓇᕐᓂᐊᕐᒪᑕ, ᐱᓯᒪᔾᔪᑎᒃᓴᐅᓂᐊᖅᑐᓂᒃ ᐅᑭᐅᖅᑕᖅᑐᒥᑦ ᓴᓇᐅᒐᔨᕆᓕᕐᒧᑦ ᑲᑎᒪᓂᕐᔪᐊᖑᓂᐊᖅᑐᑦ ᑐᕌᕉᑎᒃᓴᖏᓐᓂᒃ.
2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖅ ᐃᒪᓐᓇ ᐱᓕᕆᓂᐊᖅᐳᖅ:
- ᑐᑭᓯᑦᑎᐊᕈᑎᒃᓴᓂᒃ, ᐱᓂᐊᕐᓂᕋᕐᓂᕐᒥᑦ ᐊᒻᒪᓗ ᐃᑲᔪᕈᑎᒃᓴᓂᒃ ᑕᒪᒃᑯᓄᖓ ᐅᑭᐅᖅᑕᖅᑐᒥᐅᓂᑦ ᓴᓇᐅᒐᓕᐅᖅᑎᓂᒃ, ᑲᑐᔾᔨᖃᑎᒌᖑᔪᓂᒡᓗ, ᐊᒻᒪᓗ ᓄᓇᓕᖕᒥᐅᓂᑦ;
- ᐱᐅᓯᒋᐊᖅᑎᑦᑎᓂᕐᒥᒃ ᓯᓚᕐᔪᐊᓕᒫᒥᑦ ᐱᓕᕆᖃᑎᒌᖕᓂᕐᒥᒃ ᐱᔾᔪᑎᓕᖕᓂᒃ ᓴᓇᐅᒐᓕᕆᓂᕐᒥᑦ ᐊᒻᒪᓗ ᐃᓕᖅᑯᓯᑐᖃᓕᕆᓂᕐᒥᑦ ᑖᒃᑯᓄᖓ ᐃᓄᖕᓄᑦ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᑦ ᐅᑭᐅᖅᑕᖅᑐᐊᓃᑦᑐᓄᑦ;
- ᐱᐅᓯᒋᐊᖅᑎᑦᑎᓂᕐᒥᒃ ᐅᖃᐅᓯᕆᔭᐅᔪᓂᒃ ᐱᔾᔪᑎᓕᖕᓂᒃ ᓄᓇᖃᖅᑳᖅᓯᒪᔪᑦ ᐃᒻᒥᓂᒃ ᐱᔪᒪᓂᖏᓐᓂᒃ, ᐱᖃᕈᒪᓂᖏᓐᓂᒡᓗ, ᐊᒻᒪᓗ ᐃᓕᖅᑯᓯᑐᖃᖏᓐᓂᒃ ᐱᖃᑦᑎᐊᕈᑎᒃᓴᖏᓐᓂᒃ ᑲᓇᑕᒥᑦ ᐊᒻᒪᓗ ᓯᓚᕐᔪᐊᓕᒫᒥᑦ, ᐱᓗᐊᖅᑐᒥᑦ ᐱᔾᔪᑎᖃᖅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓄᖕᓂᒃ ᐅᑭᐅᖅᑕᖅᑐᒥᐅᑕᓂᒃ.
2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖅ ᑕᐅᑐᖕᓂᖃᕐᓂᐊᖅᐳᑦ ᓄᓇᒥᐅᑕᐅᓂᕐᒥᑦ, ᖃᐅᔨᓇᓱᒃᓗᑎᒡᓗ ᐅᑭᐅᖅᑕᖅᑐᒥᐅᑦ ᓴᓇᐅᒐᓕᕆᓂᖏᓐᓂᒃ ᐊᒻᒪᓗ ᐃᓕᖅᑯᓯᑐᖃᖏᓐᓂᒃ ᐱᔾᔪᑎᖃᕐᓗᑎᒃ:
- ᓄᓇ: ᐅᖃᐅᓯᓕᕆᓂᖅ, ᓄᓇᓖᑦ, ᐃᑦᑕᕐᓂᓴᓕᕆᓂᖅ, ᑭᓇᐅᒻᒪᖔᖏᓐᓂᒃ ᓄᓇᖃᖅᑳᖅᓯᒪᔪᑦ
- ᐱᒋᔭᖃᕐᓂᑦ: ᐃᒻᒥᓂᒡᓗ ᐱᔪᒪᓂᖏᓐᓂᒃ, ᓄᓇᖃᖅᑲᖅᓯᒪᓂᖏᓐᓂᒃ ᐊᒻᒪᓗ ᐃᒻᒥᓂᒃ ᒐᕙᒪᖃᕈᒪᓕᕐᓗᑎᒃ
- ᓯᓚᐅᑉ ᖃᓄᐃᓐᓂᖓ: ᐊᕙᑎᒥᒃ ᑲᔪᓯᑎᑦᑎᐊᕐᓂᖅ, ᐊᒃᓱᕈᓐᓇᖅᑐᑦ ᐊᒻᒪᓗ ᐱᓕᕆᐊᖃᕐᓂᖅ
- ᓴᖅᑭᑎᑦᑎᓂᖅ: ᓴᓇᔩᑦ, ᓴᓇᓂᖅ, ᐊᒥᖅᑳᕐᓂᖅ ᓴᓇᐅᒐᓂᒃ ᐱᓕᕆᐊᖃᕐᓂᕐᒥᒃ
- ᑭᒡᒐᖅᑐᐃᓂᖅ: ᑐᑦᑕᕐᕖᑦ ᐃᒡᓗᕐᔪᐊᑦ ᐊᒻᒪᓗ ᐃᓕᖅᑯᓯᑦᑎᐊᕙᐃᑦ, ᐱᓂᐊᕐᓂᕋᕐᓂᖅ, ᐃᓕᓐᓂᐊᕐᓂᖅ, ᐊᑐᐊᒐᑦ, ᒪᓕᖏᐊᓖᑦ, ᐅᑎᖅᑎᑕᐅᓂᖏᑦ
- ᓯᓚᕐᔪᐊᑉ ᖃᓇᖕᓇᖓᓂᕐᒥᐅᒃ ᐱᓕᕆᖃᑎᒌᖕᓂᖏᑦ: ᐱᓕᕆᖃᑎᒌᖕᓂᖏᑦ ᐊᒻᒪᓗ ᐱᓕᕆᖃᑎᒌᑦᑎᐊᕈᓐᓇᕐᓂᖏᑦ
- ᖃᕆᓴᐅᔭᓕᕆᔾᔪᑏᑦ: ᖃᕆᓴᐅᔭᑎᒍᑦ ᓴᓇᐅᒐᓕᐊᖑᔪᑦ, ᖃᐅᔨᒪᔾᔪᑏᑦ ᖃᕆᓴᐅᔭᑎᒍᑦ, ᐊᑐᕈᓐᓇᕈᑏᑦ, ᓄᑖᑦ ᑐᓴᒐᒃᓴᓕᐊᖑᔪᑦ
- ᐆᒻᒪᕆᓂᖅ: ᓴᓇᐅᒐᓕᐅᖅᑏᑦ, ᓇᒧᖓᐅᕙᖕᓂᖏᑦ ᐊᒻᒪᓗ ᐃᓅᖃᑎᒌᑦ ᐊᓯᔾᔨᖅᐸᓪᓕᐊᓂᖏᑦ
ᑕᒃᑯᐊ ᑲᓇᑕᒥᑦ ᑲᑎᒪᔨᕐᔪᐊᑦ ᓴᓇᐅᒐᓕᕆᓂᕐᒧᑦ ᐊᒻᒪᓗ ᔫᑳᓐᒥᐅᑦ ᒐᕙᒪᒃᑯᖏᑦ ᐊᐅᓚᑦᑎᔨᒻᒪᕆᐅᓂᐊᖅᖢᑎᒃ, ᐊᒥᓱᑦ ᑲᑐᔾᔨᖃᑎᒌᖑᔪᑦ ᐊᒻᒪᓗ ᐃᓄᑐᐃᓐᓇᐃᑦ ᐃᓚᐅᖕᒪᑕ ᑖᔅᓱᒥᖓ 2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᓂᐊᖅᑐᒥᒃ ᑲᔪᓯᓂᖃᑦᑎᐊᖅᑎᑦᑎᓂᐊᖅᑐᑦ.
ᐅᕗᖓ ᐱᔪᓐᓇᖅᐳᑎᑦ ᖃᕆᓴᐅᔭᑎᒍᑦ ᐱᔾᔪᑕᐅᔪᑦ ᒪᒃᐱᒐᕐᒥᑦ ᑭᒃᑯᑦ ᐱᓕᕆᖃᑎᒌᖕᓂᐊᕐᓂᖏᓐᓂᒃ ᐊᒻᒪᓗ ᐱᓕᕆᔨᐅᓂᐊᕐᓂᖏᓐᓂᒃ.
ᐱᔾᔪᑕᐅᔪᖅᖃᕆᑕᐅᔭᒃᑯᑦ ᐱᓗᑎᑦ
ᑲᑎᒪᓂᕐᔪᐊᕐᒥᑦ ᐱᔾᔪᑕᐅᔪᓂᒃ, ᐃᓚᐅᓗᑎᓪᓗ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᑐᖃᖏᓐᓂᒃ, ᐊᒻᒪᓗ ᖃᐅᔨᓗᑎᑦ ᐊᒥᓱᓂᒃ ᖃᐃᖁᔭᐅᓯᒪᔪᑦ ᐱᓕᕆᐊᕆᔭᖏᓐᓂᒃ. ᓄᑖᑦ ᑎᑎᕋᖅᑕᐅᓯᒪᔪᑦ ᐃᓚᓕᐅᑎᔭᐅᓂᐊᖅᑐᑦ ᐱᓇᓱᐊᕈᓯᑕᒫᑦ.ᐃᓄᐃᑦ ᑲᑎᓯᒪᓗᑎᒃ ᑲᑎᒪᖃᑕᐅᔪᑦ, ᖃᕆᓴᐅᔭᒃᑯᑦ ᐃᓚᐅᔪᑦ ᖃᐃᖁᔭᐅᒋᕗᑦ ᕿᓂᕐᓗᑎᒃ ᐊᒻᒪᓗ ᐃᓚᐅᓗᑎᒃ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᔪᒥᑦ ᖃᕆᓴᐅᔭᒃᑰᕈᑎᖏᓐᓂᒃ. ᑖᓐᓇ ᖃᕆᓴᐅᔭᑎᒍᑦ ᐱᓕᕆᐊᖑᔪᑦ ᖃᕆᓴᐅᔭᒃᑯᑦ ᐃᓚᐅᔪᓐᓇᕈᑎᓂᒃ ᑕᕝᕙᓂ 2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᖃᕆᓴᐅᔭᖏᑦᑎᒍᑦ, ᐃᓚᐅᖕᒥᓗᑎᑦ ᐅᑭᐅᖅᑕᖅᑎᒥᐅᑦ ᓴᓇᐅᒐᓕᕆᔨᖏᓐᓂᒃ ᐊᒻᒪᓗ ᐃᓕᖅᑯᓯᑐᖃᖏᓐᓂᒃ, ᐊᒻᒪᓗ ᖃᐅᔨᓇᓱᒡᓗᑎᑦ ᐊᒥᓱᓂᒃ ᑕᑯᔭᒐᖃᓕᕆᕕᖕᒥᑦ ᑕᑯᒃᓴᐅᑎᑕᐅᔪᓂᒃ. ᓄᑖᑦ ᓴᖅᑭᑕᐅᕙᓪᓕᐊᓂᐊᖅᑐᑦ ᐱᓇᓱᐊᕈᓯᑕᒫᑦ.
The Inuit Art Foundation are acting as editors of the Summit’s digital platform. Stakeholders can request information on how to propose content at [email protected].
ᕿᓂᕐᓗᑎᑦ ᐊᒻᒪᓗ ᐃᓚᐅᓕᕐᓗᑎᑦ ᐅᖃᓪᓚᖃᑎᒌᖕᓂᕐᒥᒃ ᑕᕝᕙᓂ.
ᐃᓚᐅᖃᑕᐅᓗᓯ ᐱᓇᓱᖃᑕᐅᓗᓯ ᓄᑖᓂᒃ ᑕᑯᔪᓐᓇᕐᓂᐊᕋᓯ ᓴᖅᑭᑕᐅᕙᓪᓕᐊᔪᓂᒃ.
ᑲᑎᒪᓂᕐᔪᐊᕐᒥᑦ
ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᔪᒥᑦ ᐃᓚᐅᔪᑦ ᑲᑎᒪᓂᐊᖅᐳᑦ ᔫᓐ 27−ᒥᑦ 29−ᒧᑦ, 2022−ᒥᑦ. ᕗᐊᐃᑦᕼᐆᕐᔅᒥᑦ, ᔫᑳᓐᒥᑦ.
ᐃᓚᐅᔪᑦ ᑲᑎᒪᖃᑕᐅᑎᓪᓗᒋᑦ ᑕᕝᕙᓂ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᕐᒥᑦ ᑭᓯᐊᓂ ᖃᐃᖁᔭᐅᓯᒪᒍᑎᒃ ᐃᓚᐅᔪᓐᓇᕐᓂᐊᖅᑐᑦ, ᐊᑐᓂᓗ ᓄᓇᓕᖓᓂᖔᖅᑐᑦ ᐊᒻᒪᓗ ᓄᓇᓕᒡᔪᐊᖓᓂᖔᖅᑐᓪᓗ ᑲᒪᒋᔭᖃᖅᑐᓪᓗ ᓂᕈᐊᖅᓯᓂᕐᒥᑦ ᑲᑎᒪᔭᖅᑐᕐᓂᐊᖅᑐᓂᒃ.
ᐃᓚᐅᓂᐊᖅᑐᑦ ᐅᓂᒃᑳᖅᑎᐅᓗᑎᒃ, ᓴᓇᐅᒐᓕᕆᔨᐅᓗᑎᒃ ᐅᕝᕙᓘᓐᓃᑦ ᖁᖏᐊᖅᑎᑦᑎᔨᐅᓗᑎᒃ ᑕᕝᕙᓂ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᔨᒃᑯᓐᓂ ᑲᑎᒪᓂᕐᔪᐊᖑᔪᒥᑦ ᑭᓯᐊᓂ ᖃᐃᖁᔭᐅᓯᒪᔪᑦ ᐃᓚᐅᔪᓐᓇᕐᓂᐊᖅᑐᑦ, ᓂᕈᐊᖅᑕᐅᓗᑎᒡᓗ ᐱᓕᕆᐊᖏᓐᓄᑦ ᐱᓕᕆᖃᑎᒌᖕᓂᖏᓐᓄᑦ ᑖᒃᑯᓄᖓᓗᑦ ᐱᔭᐅᓯᒪᓗᑎᒃ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᔨᓂᒃ ᑲᑎᒪᓂᕐᔪᐊᖑᓂᐊᖅᑐᒥᑦ ᐱᓕᕆᖃᑎᒌᖑᔪᓂᒃ ᐊᒻᒪᓗ ᑲᒪᔨᐅᔪᓂᒃ ᑕᑯᔭᒐᖃᕐᕕᖕᒥᑦ ᓴᓇᐅᒐᓕᕆᓂᕐᒧᑦ, ᐃᓚᒋᔭᐅᒋᓪᓗᑎᒃ ᓄᓇᓕᖕᒥᐅᑦ ᐊᒻᒪᓗ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ. ᖃᐅᔨᒪᓂᐊᖅᐳᓯ, ᑕᒪᒃᑯᐊ ᓴᓇᐅᒐᓕᕆᔨᐅᔪᑦ ᖃᐃᖁᔭᐅᓯᒪᓂᐊᕐᒪᑕ ᐃᓚᐅᓗᑎᒃ ᑕᕝᕙᓂ 2022−ᒥᑦ Adaka ᐃᓕᖅᑯᓯᑐᖃᕐᒥᓂᒃ ᐊᑐᕐᓗᑎᒃ ᖁᕕᐊᓲᑎᖃᕐᓗᑎᒃ. ᖃᐃᔨᒪᔭᐅᒃᑲᓐᓂᕐᓂᐊᖅᑐᑦ ᑕᕝᕙᓂ, ᑕᑯᔭᐅᔪᓐᓇᕐᓂᐊᑦᑐᑦ ᑕᕝᕙᓂ.
ᐊᑭᓕᖅᓱᖅᑕᐅᓇᓂ ᐱᓕᕆᔨᐅᔪᑦ
ᒫᓐᓇᐅᔪᕐᓕ ᑕᕝᕙᓂ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᓂᐊᖅᑐᑦ ᖃᐃᖁᔨᔾᔮᖏᑦᑐᖅ ᐊᑭᓕᖅᓱᖅᑕᐅᓇᑎᒃ ᐱᓕᕆᔨᐅᓂᐊᖅᑐᓂᒃ ᑕᕝᕙᓂ ᑲᑎᒪᓂᕐᔪᐊᖑᓂᐊᖅᑐᒥᑦ. ᑕᐃᒪᓕ ᑎᑎᕋᕐᓂᕈᓯ ᖃᕆᓴᐅᔭᑎᒍᑦ ᐱᔪᒪᓂᕋᕐᓗᓯ ᐊᑭᓕᖅᓱᖅᑕᐅᖏᓪᓗᓯ ᐱᓕᕆᔨᒃᓴᐅᓂᕐᒧᑦ , ᖁᔭᓐᓇᒦᒃ! ᖁᔭᓕᒻᒪᕆᒃᑲᓗᐊᖅᐳᒍᑦ ᐱᔪᒪᓂᔅᓯᓐᓂᒃ ᐊᒻᒪᓗ ᑕᐃᒪ ᑖᒃᑯᐊ ᐱᔪᒪᓂᕐᓯ ᐸᐸᐃᓐᓇᕐᓂᐊᖅᑕᕗᑦ ᖃᕆᓴᐅᔭᑎᒍᑦ ᐱᑕᖃᓕᑐᐊᖅᐸᑦ ᐱᔪᒪᔪᓂᒃ ᐊᑭᓕᖅᓱᖅᑕᐅᓇᓂ ᐱᓕᕆᔨᒃᓴᐅᓂᐊᖅᑐᓂᒃ ᐊᑏᑦ ᐱᔭᐅᔪᓐᓇᕐᓂᐊᖅᑐᖅ.
ᖃᓄᑐᐃᓐᓇᖅ ᑎᑎᕋᖅᑕᐅᓯᒪᔪᑦ ᑖᒃᑯᓄᖓ 2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᖓᓕᕆᓂᕐᒧᑦ ᑲᑎᒪᓂᕐᔪᐊᖑᔪᑦ ᐃᒪᓐᓇ ᐱᒋᐊᖃᖅᐳᑦ:
- ᕿᓂᕐᓗᓯ ᐱᓕᕆᐊᒃᓴᐅᔪᓂᒃ ᑕᕝᕙᓂ 2022−ᒥᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᓂᐊᖅᑐᒥᑦ
- ᓴᓇᐅᒐᓕᕆᓂᕐᒧᑦ ᑕᐅᑐᖕᓂᖃᕐᓗᑎᑦ.
- ᐱᓕᕆᐊᖑᔪᒥᒃ ᖃᐅᒪᑎᑦᑎᓗᑎᑦ, ᐅᔾᔨᕈᓱᒃᑎᑦᑎᓗᑎᑦ ᒪᑯᓂᖓ, ᐃᑲᔪᖅᑐᐃᓗᑎᑦ ᐅᖃᐅᓯᕆᔭᐅᔪᓂᒃ ᐱᔾᔪᑎᓕᖕᓂᒃ, ᐊᒻᒪᓗ/ᐅᕝᕙᓘᓐᓃᑦ ᐅᑭᐅᖅᑕᖅᑐᒥᑦ ᐊᒻᒪᓗ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᑐᖃᓕᕆᓂᕐᒧᑦ ᐊᖏᒡᓕᒋᐊᖅᑎᑦᑎᓗᑎᑦ.
- ᓄᓇᖃᖅᑳᖅᓯᒪᔪᑦ ᐊᒻᒪᓗ ᐊᓯᖏᑦ ᐅᑭᐅᖅᑕᖅᑐᒥᑦ ᓂᐱᒋᔭᐅᔪᑦ ᑐᓴᖅᑕᐅᑎᓪᓗᒋ.
- ᑐᓐᓂᖁᓯᖃᕐᓗᓯ ᑕᕝᕙᖔᖅᑐᒥᒃ ᐅᑭᐅᖅᑕᖅᑐᒥᑦ ᐅᑭᐅᖅᑕᖅᑐᒥᐅᓄᑦ ᐱᓗᒍ ᐱᔾᔪᑎᖃᓗᐊᖅᑐᒥᒃ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᓂᖔᖅᑐᒥᒃ.
ᖃᕆᓴᐅᔨᓕᕆᓂᕐᒧᑦ ᐱᓕᕆᐊᖑᔪᑦ
ᐃᓄᐃᑦ ᓴᓇᐅᒐᓕᕆᔨᒃᑯᑦ ᑐᖓᕕᒃᑯᖏᑦ ᐋᖅᑭᒃᓱᐃᔨᐅᓂᐊᖅᑐᑦ ᑎᑎᕋᖅᑕᐅᕙᓪᓕᐊᔪᓂᒃ ᖃᕆᓴᐅᔭᑎᒍᑦ ᑲᑎᒪᓂᕐᔪᐊᒃᑯᑦ ᖃᕆᓴᐅᔭᑎᒍᑦ ᐱᓕᕆᐊᕆᔭᖏᓐᓂᒃ. ᐱᖃᖃᑕᐅᔪᑦ ᐱᔪᒪᓂᕋᕈᓐᓇᕐᓂᐊᖅᑐᑦ ᑎᑎᕋᖅᑕᐅᕙᓪᓕᐊᔪᓂᒃ ᖃᓄᖅ ᐱᔪᓐᓇᕐᓂᖏᓐᓂᒃ ᑎᑎᕋᖅᑕᐅᓯᒪᔪᓂᒃ ᐅᕘᓇ [email protected].
ᐅᑯᓄᖓ ᑲᑎᒪᖃᑕᐅᔪᓄᑦ ᑲᑎᒪᓂᕐᒧᐊᕐᒥᑦ
ᐃᓚᐅᔪᑦ ᐅᓂᒃᑳᖅᑎᐅᔪᑦ, ᓴᓇᐅᒐᓕᐅᖅᑏᑦ ᐅᕝᕙᓘᓐᓃᑦ ᖁᖏᐊᖅᑎᑦᑎᔩᑦ ᑕᕝᕙᓃ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓕᓂᕐᒧᑦ ᑲᑎᒪᓂᕐᔪᐊᖑᒧᒥᑦ ᑭᓯᐊᓂ ᖃᐃᖁᔭᐅᓯᒪᒍᑎ, ᓂᕈᐊᖅᑕᐅᓯᒪᒍᑎᒡᓗ ᐱᓕᕆᔨᐅᔪᓄᑦ ᐋᖅᑭᒃᑕᐅᓯᒪᔪᓂᒃ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᒃᑯᖏᓐᓂ ᐱᓕᕆᖃᑎᖏᓐᓂᒃ ᐊᒻᒪᓗ ᑲᒪᔨᐅᔪᓂᒃ ᑕᑯᔭᒐᖃᕐᕕᖕᒥᑦ ᓴᓇᐅᒐᓕᕆᓂᕐᒧᑦ, ᐃᓚᒋᔭᐅᒋᓪᓗᑎᒃ ᓄᓇᓕᖕᒥᐅᑦ ᐊᒻᒪᓗ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᑦ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ. ᖃᐅᔨᒋᐊᕈᓐᓇᖅᐳᓯ ᐅᕙᓂ ᑎᑎᕋᖅᑕᐅᓯᒪᔪᓂᒃ
ᐅᕙᒍᑦ, ᑐᖓᓱᒃᑎᑦᑎᔨᐅᔪᒍᑦ ᐊᒻᒪᓗ ᑲᑐᔾᔨᖃᑎᒌᖑᔪᑎᒍᑦ ᑖᒃᑯᓇᓂ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᔪᒥᑦ 2022−ᒥᑦ, ᐃᓕᑕᖅᓯᓯᒪᕗᒍᑦ ᐊᒻᒪᓗ ᐃᒃᐱᒍᓱᑦᑎᐊᖅᖢᑕ ᐊᒥᓱᓂᒃ ᐅᖃᐅᓯᑐᖃᕆᔭᐅᔪᓂᒃ ᓯᓚᕐᔪᐊᑉ ᑲᓇᖕᓇᖓᓂᕐᒥᐅᓂᑦ.
ᑐᓴᒐᒃᓴᐅᒻᒪᕆᒃᑯᑦ ᑕᕝᕙᓂ ᖃᕆᓴᐅᔭᒃᑯᑦ ᑎᑎᕋᖅᑕᐅᓯᒪᔪᓂᒃ ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ, ᑲᓇᑕᒥᓗ ᒪᕐᕉᒃ ᐅᖃᐅᓯᑐᖃᕆᔭᐅᔪᓂᑦ ᐃᓕᑕᕆᔭᐅᓯᒪᔪᑦ, ᐊᒻᒪᓗ ᐃᓄᒃᑎᑐᑦ, ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᒻᒪᕆᒋᔭᐅᖕᒪᑦ ᑲᓇᑕᐅᑉ ᐅᐊᖕᓇᖓᓂᕐᒥᐅᓄᑦ, ᐊᒻᒪᓗ ᓂᒋᖅᐸᓯᐊᓂᕐᒥᐅᑦ ᑐᑦᓱᓐ, ᐅᖃᐅᓯᑐᖃᕆᔭᐅᒻᒪᕆᖕᒥᔪᖅ ᐃᖅᑭᓕᖕᓄᑦ ᔫᑳᓐᒥᑦ ᐊᒻᒪᓗ ᐅᖃᐅᓯᒻᒪᕆᒋᔭᐅᖕᒥᔪᑦ ᐃᓄᖁᑎᒋᔭᐅᔪᓄᑦ ᓄᓇᒋᔭᐅᓪᓗᑎᒡᓗ ᑲᑎᒪᓂᕐᔪᐊᖑᓂᐊᖅᑐᒥᑦ.
ᓴᓇᐅᒐᓂᕆᓂᕐᒨᖓᔪᓂᒃ ᑎᑎᕋᖅᑕᐅᓯᒪᔪᑦ ᑕᕝᕙᓂ ᖃᕆᓴᐅᔭᑎᒍᑦ ᐱᑕᖃᕐᓂᐊᖅᑐᑦ ᐅᖃᐅᓯᑐᖃᕐᒥᒃ ᐊᑐᕐᓗᑎᒃ ᑕᐃᒪᓐᓇᑐᑦ ᑐᓂᔭᐅᓚᐅᖅᑐᓂᒃ ᐅᖃᐅᓯᑐᖃᕐᒥᓂᒃ ᐊᑐᖅᖢᑎᒃ/ᐅᕝᕙᓘᓐᓃᑦ ᑕᐃᒪᓐᓇ ᓴᓇᔭᐅᓯᒪᓪᓗᑎᒃ.
ᓇᓗᓇᐃᖅᓯᕗᒍᑦ ᐊᑐᖅᑕᐅᓯᖅᓴᐅᓂᖏᓐᓂᒡᓗ ᖃᓪᓗᓈᑎᑐᑦ ᖃᕆᓴᐅᔭᑎᒍᑦ. ᐱᔾᔪᑎᒋᓗᐊᖅᑕᕗᑦ ᖃᓄᐃᒻᒪᑦ ᖃᓪᓗᓈᑎᑐᑦ ᐊᑐᖅᑕᐅᓂᖅᓴᐅᓂᖏᓐᓂᒃ ᑐᑭᓯᐅᒻᒪᐅᑦᑎᐊᕐᓂᖅᓴᐅᓂᖓᓄᑦ ᑕᒫᓂ ᓯᓚᕐᔪᑉ ᑲᓇᖕᓇᖓᓂᕐᒥᐅᓄᑦ ᐅᓪᓗᒥᐅᔪᖅ. ᑕᐃᒪᓕ, ᑎᓕᐅᕆᓂᐊᖅᐳᒍᑦ ᐊᒻᒪᓗ ᕿᓂᒻᒪᕆᒃᓗᑕ ᐃᓚᐅᑎᑦᑎᓇᓱᖕᓂᕐᒥᑦ ᐅᖃᐅᓯᕆᔭᐅᕙᒃᑐᓂᒃ ᐅᑭᐅᖅᑕᖅᑐᒥᐅ ᐅᖃᐅᓯᖏᓐᓂᒃ ᐊᑐᕐᓗᑕ.
ᐄ. ᑐᖓᓱᒃᑎᑦᑎᔨᐅᔪᑦ ᑲᑐᔾᔨᖃᑎᒌᖑᔪᓪᓗ ᑕᕝᕙᓂ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᒥᑦ 2022−ᒥᑦ ᓇᓗᓇᐃᖅᓯᓂᖃᖅᐳᑦ ᓱᓕᓂᖃᖅᖢᑎᒡᓗ ᑎᑎᕋᖅᑕᐅᓯᒪᔪᓂᒃ ᑕᕝᕙᓂ ᓄᓇᕐᔪᐊᕐᒥᐅᑦ ᑲᑐᔾᔨᖃᑎᒌᖏᓐᓄᑦ ᓱᓕᓂᕋᕈᑎᓂᒃ ᑖᒃᑯᓄᖓ ᓄᓇᖃᖅᑲᖅᓯᒪᔪᓄᑦ ᐱᔾᔪᓐᓇᐅᑎᖏᑦᑎᒍᑦ (UNDRIP) ᐊᒻᒪᓗ ᐃᓕᑕᖅᓯᓯᒪᓪᓗᑎᒃ ᐱᓯᒪᒋᐊᖃᕐᓂᖏᓐᓂᒃ ᐅᑭᐅᖅᑕᖅᑐᒥᐅᑕᓕᒫᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᓯᓚᕐᔪᐊᓕᒫᒥᑦ ᓄᓇᕐᔪᐊᑉ ᑲᓇᖕᓇᖓᓂᕐᒥᐅᑕᓂᒃ. ᐃᓕᑕᖅᓯᓯᒪᒋᕗᒍᑦ ᐃᒃᐱᒍᓱᑦᑎᐊᖅᖢᑕᓗ ᐃᖅᑭᓕᖕᓂᒃ ᓄᓇᖃᖅᑐᓂᒃ ᐊᒥᓱᐊᓗᖕᓂᒃ ᑕᒫᓂ ᓯᓚᕐᔪᐊᑉ ᓂᒋᖅᐸᓯᐊᓂᕐᒥᐅᓂᒃ.
ᓄᓇᒥᐅᑕᐅᔪᓂᒃ, ᐊᕕᒃᑐᖅᓯᒪᔪᓂᒡᓗ ᓄᓇᓂᒃ, ᐱᐅᓯᕆᔭᐅᕙᓚᐅᖅᑐᓂᒡᓗ, ᐊᒻᒪᓗ ᐃᓕᖅᑯᓯᑐᖃᕆᔭᐅᔪᓂᒃ ᑐᙵᕕᖃᒻᒪᕆᒃᐳᒍᑦ ᐱᔾᔪᑎᒋᓪᓗᒋᑦ ᑭᒃᑰᓂᑦᑎᓐᓂᒃ ᐊᒻᒪᓗ ᐃᓄᖃᑎᒌᖕᓂᑦᑎᓐᓂᒃ. ᐅᐱᒍᓱᑦᑎᐊᕐᒥᔪᒍᑦ ᓄᓇᒥᐅᑕᐅᓂᑦᑎᓐᓂᒃ ᐊᒻᒪᓗ ᐱᓇᓱᐊᕐᓂᖃᒻᒪᕆᒃᖢᑕ ᐃᖏᕐᕋᓂᕆᔭᑦᑎᓐᓂᒃ ᐊᖏᖃᑎᒌᒍᓐᓇᐅᑎᑦᑎᓐᓂᒃ ᐱᓕᕆᑎᓪᓗᑕ ᐊᔾᔨᒌᑎᑦᑎᓂᕐᒥᒃ, ᑲᔪᓰᓐᓇᑦᑎᐊᕈᓐᓇᕐᓂᕐᒥᒃ, ᐱᓪᓚᑦᑖᖑᓂᕐᒥᒡᓗ, ᐱᓕᕆᖃᑎᒌᑦᑎᐊᕐᓂᕐᒥᒡᓗ ᓯᕗᓂᒃᓴᓕᒫᑦᑎᓐᓄᑦ.
ᐋᖅᑭᒃᑕᐅᓯᒪᔪᖅ ᑕᕝᕙᓂ ᖃᕆᓴᐅᔭᕐᒥᑦ ᐱᔾᔪᑎᖃᓗᐊᖅᐳᖅ ᐃᓯᕈᓐᓇᕈᑎᓂᒃ ᐱᒻᓚᕆᐅᔪᓂᒃ ᓇᓂᔭᐅᔪᓐᓇᖅᑐᓂᒃ ᑕᕝᕙᓂ ᐃᑭᐊᖅᑭᕕᐅᑉ ᐃᓗᓕᖏᓐᓂᒃ ᐊᑐᐃᓐᓇᐅᔪᓂᒃ 2.0 AA.
ᐄ, ᐱᔪᓐᓇᑦᑎᐊᖅᑐᑎᑦ ᐊᒻᒪᓗ ᑭᒃᑯᓕᒪᓄᑦ ᑐᓂᔪᓐᓇᖅᖢᒋᑦ ᐊᔾᔨᖑᐊᓂᒃ ᑕᕝᕙᓂ ᖃᕆᓴᐅᔭᖁᑎᑦᑎᓐᓂᒃ ᑭᓯᐊᓂ ᑮᓇᐅᔭᓕᐅᕋᓱᐊᖅᑎᓄᑦ ᐊᑐᖅᑕᐅᔪᓐᓇᔾᔮᖏᑦᑐᖅ ᓇᓗᓇᐃᖅᓯᒪᑦᑎᐊᕐᓗᓂᓗ ᑖᒃᑯᓄᖓ ᐅᑭᐅᖅᑕᖅᑐᒥ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᖑᔪᒥᑦ ᒪᓕᖕᓂᖃᕐᓗᓂ ᖃᕆᓴᐅᔭᑎᒍᑦ ᑎᑎᕋᖅᓯᒪᔭᑦᑎᓐᓂᒃ ᒪᓕᒋᐊᓕᖕᓂᒃ>>.
ᐱᔪᒪᒍᔅᓯ ᐱᐅᓂᖅᓴᓂᒃ ᐊᔾᔨᖑᐊᓂᒃ ᑎᑎᕋᖅᑕᔅᓯᓐᓄᑦ ᐱᓂᐊᖅᑐᓂᒃ, ᐃᓕᔅᓯᓐᓄᑐᐊᕐᓘᓐᓃᑦ ᐊᑐᕐᓂᐊᖅᑕᔅᓯᓐᓂᒃ, ᐅᕝᕙᓘᓐᓃᑦ ᐃᓕᓐᓂᐊᕈᑎᒃᓴᔅᓯᓐᓄᑦ, ᖃᐅᔨᒋᐊᕈᓐᓇᖅᐳᓯ ᐅᑯᓄᖓ ᐃᓄᐃᑦ ᓴᓇᐅᒐᓕᕆᔨᒃᑯᑦ ᑐᑦᑕᕐᕕᖏᓐᓄᑦ ᐅᕗᖓ ᑎᑎᕋᕐᓗᓯ ᖃᕆᓴᐅᔭᑎᒍᑦ [email protected].
ᐄ, ᑎᑎᕋᖅᑕᐅᓯᒪᔪ ᐅᕙᓂ ᖃᐅᔨᒃᑲᔾᔪᑏᑦ ᖃᐅᔨᒃᑲᐃᔾᔪᑏᓪᓗ, ᑎᑎᕋᖅᑕᐅᓯᒪᔪᑦ ᖃᕆᓴᐅᔭᑎᒍᑦ ᓴᐳᑎᔭᐅᓯᒪᒻᒪᕆᒃᐳᑦ ᒪᓕᒃᖢᒍ ᐱᖁᔭᕐᔪᐊᒥᑦ, ᑎᑎᕋᖅᑕᐅᓯᒪᖏᒃᑲᓗᐊᖅᐸᑦ ᐃᔾᔪᐊᖅᑕᐅᔭᕆᐊᖃᖏᓐᓂᕐᒥᒃ ᑕᕝᕙᓂ ᒪᒃᐱᒐᕐᒥᑦ. ᖃᓄᐃᑦᑐᑐᐃᓐᓇᑦ ᑎᑎᕋᖅᑕᐅᓯᒪᔪᑦ, ᖃᓄᑐᐃᓐᓇᕐᓗ ᑎᑎᕋᖅᑕᐅᓯᒪᒐᓗᐊᖅᐸᑕ (ᖃᕆᓴᐅᔭᑎᒍᑦ, ᑎᑎᕋᖅᑕᐅᓯᒪᔪᑦ ᐊᓕᓚᔪᒃᑯᑦ ᐅᕝᕙᓘᓐᓃᑦ ᑐᓴᒐᒃᓴᑎᒍᑦ) ᓴᐳᑎᔭᐅᓯᒪᕗᖅ ᐅᑯᑎᒎᓇᖅ ᐃᔾᔪᐊᖅᑕᐅᔭᕆᐊᖃᖏᑦᑐᒃᑯᑦ ᐱᖁᔭᑎᒍᑦ. ᑕᑯᔪᓐᓇᖅᑕᐃᑦ ᐅᕙᓂ ᐃᔾᔪᐊᖅᑕᐅᔭᕆᐊᖃᖏᑦᑐᖅ>>
ᐋᒃᑲ, ᐊᑐᕆᐊᖃᖏᒻᒪᕆᒃᑕᑦ ᑖᓐᓇ 2022 ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᑉ ᓇᓗᓇᐃᒃᑯᑕᖓ ᐅᕝᕙᓘᓐᓃᑦ ᐊᓯᖏᑦ ᓇᓗᓇᐃᒃᑯᑕᕆᔭᐅᔪᑦ ᑖᒃᑯ 2022 ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᒃᑯᑦ ᑎᑎᕋᓚᐅᖏᑎᓪᓗᒋᑦ ᐱᔪᓐᓇᕐᓂᔅᓯᓐᓂᒃ.
ᖃᐅᔨᒋᐊᒃᑲᓐᓂᕈᒪᒍᔅᓯ ᑖᒃᑯᓂᖓ 2022 ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᕐᒧᑦ ᑲᑎᒪᓂᕐᔪᐊᑉ ᓇᓗᓇᐃᒃᑯᑕᖓᓂᒃ (ᐊᑦᑕᑕᕐᓗᓯ)
ᖁᔭᓐᓇᒦᒃ ᐱᐅᒃᓴᕋᕕᑦ ᐃᑲᔪᕈᒪᓪᓗᑎᓪᓗ ᓴᓇᐅᒐᓕᕆᔨᒥᒃ ᑕᑯᒃᓴᐅᔪᒥᒃ ᖃᕆᓴᐅᔭᖁᑎᑦᑎᓐᓂᒃ. ᑕᐃᒪᓕ ᐃᑲᔪᕈᓐᓇᖏᒃᑲᓗᐊᖅᖢᑕ ᐅᐸᒃᓯᓂᕐᒥᒃ ᓴᓇᐅᒐᓕᐅᖅᑎᒥᒃ ᑕᐃᒪᓕ ᐃᑲᔪᕈᓐᓇᕆᕗᒍᑦ ᐊᑐᕐᓗᑎᑦ ᖃᕆᓴᐅᔭᑎᒍᑦ ᐅᐸᒃᓯᔾᔪᑎᒃᓴᓂᒃ ᖃᐅᔨᒪᔭᐅᔾᔪᑎᓂᒃ ᑐᓴᒐᒃᓴᓕᕆᔨᒃᑯᑎᒍᑦ ᐅᕝᕙᓘᓐᓃᑦ ᐅᐸᒃᓯᔪᓐᓇᕆᕗᓯ ᐅᑯᑎᒎᓇᖅ ᑎᑎᕋᖅᑎᐅᔪᑎᒍᑦ ᐃᓄᐃᑦ ᓴᓇᐅᒐᓕᕆᔨᒃᑯᑦ ᑐᒃᑕᕐᕕᖓᓂᕐᒥᐅᓂᑦ ᖃᐅᔨᑦᑎᐊᒃᑲᓐᓂᕈᒪᒍᓯ ᐆᒥᖓ [email protected].
ᑕᑯᔪᓐᓇᑦᑎᐊᖏᒃᑯᕕᑦ ᖃᕆᓴᐅᔭᒃᑯᑦ ᐅᕝᕙᓘᓐᓃᑦ ᐱᓇᓱᒍᓐᓇᖏᒃᑯᕕ ᖃᕆᓴᐅᔭᒃᑯᑦ, ᐱᖁᔨᔪᓐᓇᖅᐳᒍ Microsoft Edge web-browser−ᑯᑦ. ᐊᑐᕈᕕᑦ Firefox−ᒥᑦ ᐅᕝᕙᓘᓐᓃᑦ Chrome−ᒥᑦ, ᐅᖃᐅᔾᔨᔪᓐᓇᖅᐳᒍᑦ ᖃᒥᑎᓪᓗᒋᑦ ᖃᕆᓴᐅᔭᑎᒍᑦ ᐃᑯᒪᓂᕆᔭᔅᓯᓐᓂᒃ ᐊᑐᖅᑕᔅᓯᓐᓂ. ᕿᓂᕈᑎᓂᒃ ᐊᑐᕐᒥᒍᔅᓯ mobile−ᑯᑎᒍᑦ, ᐱᖁᔨᒋᕗᒍᑦ ᑕᒪᒃᑯᐊ ᐊᐅᓚᔾᔪᑏᑦ ᖃᕆᓴᐅᔭᑎᒍᑦ ᐅᓪᓗᒥᒧᑦ ᐊᖅᑭᒃᓯᒪᒋᐊᒃᓴᖏᓐᓂᒃ ᐱᓯᒪᑦᑎᐊᕆᐊᒃᓴᖅ. ᖃᐅᔨᓇᓱᒋᐊᖃᖅᐳᓯ ᖃᕆᓴᐅᔭᓕᕆᔨᖁᑎᔅᓯᓐᓂᒃ ᑕᒪᒃᑯᓂᖓ ᐱᔪᓐᓇᑦᑎᐊᖅᑐᓂᒃ.
ᐃᓚᐅᓂᐊᖅᑐᑦ ᑲᑎᒪᓂᕐᔪᐊᕐᒥᑦ ᑎᓕᔭᐅᓯᒪᓪᓗᑎᒃ ᖃᐅᔨᒋᐊᕈᓐᓇᖅᐳᑦ ᑎᓕᓯᔨᓂᒃ ᐃᓱᒪᑕᕆᔭᐅᔪᒧᑦ ᐅᕝᕙᓘᓐᓃᑦ ᑎᑎᕋᕐᓗᑎᒃ ᖃᕆᓴᐅᔭᑎᒍᑦ ᐅᕗᖓ ᖃᐅᔨᒋᐊᕐᕕᒃᓴᖅ ᒪᒃᐱᒐᕐᒧᑦ.
ᐊᐱᖅᑯᑎᒃᓴᖃᒃᑲᓐᓂᕈᕕᑦ, ᐅᖃᐅᓯᖃᕐᓗᑎᑦ ᓈᒻᒪᖏᓕᐅᕈᑎᒋᔭᕐᓂᒃ, ᐅᕝᕙᓘᓐᓃᑦ ᑐᓴᒐᒃᓴᓕᕆᔨᒃᑯᑎᒍᑦ ᑎᑎᕋᖅᑕᐅᓯᒪᔪᓂᒃ ᐱᔾᔪᑎᖃᖁᔅᓯ, ᐅᕙᑦᑎᓐᓄᑎ ᖃᐅᔨᒋᐊᕈᓐᓇᖅᐳᓯ ᐅᕗᓈ ᖃᐅᔨᒋᐊᕐᕕᒃᓴᖅ ᒪᒃᐱᒐᒃᑯᑦ
