ᐊᑎᓕᐅᕐᕕᒃ 2022 Arctic Arts Summit

Crowd in circle dancing with arms in their air to drummers in the middle leading the crowd at the 2019 Adäka Festival

ᐊᑎᓕᐅᕐᕕᒃ 2022 Arctic Arts Summit

ᐅᐊᐃᑦᕼᐅᐊᔅ, ᔫᑳᓐ   |   ᔫᓂ 27-ᒥᑦ 29-ᒧᑦ, 2022

ᐱᖓᔪᖓᑦ ᐅᑭᐅᖅᑕᖅᑐᒥ ᓴᓇᕈᓘᔭᕐᓂᕐᒧᑦ ᑲᑎᒪᓂᖅ ᑲᑎᑎᑦᑎᓂᐊᖅᑐᖅ ᑭᒡᒐᖅᑐᐃᔨᓂᒃ ᐅᑭᐅᖅᑕᖅᑐᒥ ᓄᓇᓕᕐᔪᐊᓂᒃ ᐊᒻᒪ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓂ ᐅᑭᐅᖅᑕᖅᑐᒥᐅᓄᑦ. ᑖᓐᓇ ᑲᑎᒪᓂᖅ ᐅᖃᐅᓯᖃᓪᓗᐊᑕᕐᓂᐊᖅᐳᖅ, ᑲᑎᒪᔪᓂᒃ ᐅᖃᐅᓯᖃᕐᓗᑎᒃ, ᐱᓕᕆᖃᑎᒌᒡᓗᑎᒃ ᐱᕕᒃᓴᐅᔪᓐᓇᖅᑐᓂᒃ, ᐱᓕᕆᖃᑎᒌᖕᓂᕐᓂᒃ ᖁᙱᐊᖅᑎᑦᑎᓂᕐᒥᒡᓗ. ᐃᓚᐅᔪᑦ ᓄᓇᓕᕐᔪᐊᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᕐᔪᐊᑦ ᓇᒃᓯᐅᔾᔨᓂᐊᖅᑐᑦ ᑭᒡᒐᖅᑐᐃᔨᓪᓚᑦᑖᓂᒃ ᑲᑎᒪᓂᕐᒧᑦ, ᐊᑐᓂ ᐋᖅᑭᒃᓯᓗᑎᒃ ᓇᖕᒥᓂᖅ ᒪᓕᒐᒃᓴᖏᓐᓂ ᐃᓚᐅᖃᑕᐅᓂᕐᒧᑦ. ᐊᔾᔨᒌᙱᑦᑐᓂᒃ ᖁᙱᐊᖅᑎᑦᑎᕙᒃᑐᑦ ᐊᒻᒪ ᐅᓂᒃᑳᕆᐊᖅᑐᖅᑐᑦ ᑭᒃᑯᑐᐃᓐᓇᓄᑦ ᐅᒃᑯᐃᖓᓂᐊᕐᒥᔪᑦ.
ᒫᓐᓇ ᑎᑎᕋᖅᑕᐅᖃᑕᐅᒋᑦ
ᑲᑎᑎᓪᓗᒋᑦ ᐃᓚᐅᔪᑦ ᐅᑭᐅᖅᑕᖅᑐᓕᒫᒥᑦ ᐱᓕᕆᐊᒃᓴᒧᑦ ᑕᐅᑐᓪᓗᐊᑕᕐᓗᑎᒃ ᓴᓇᙳᐊᖅᑎᑦ−ᐊᐅᓚᑕᐅᔪᑦ ᑕᐅᕐᓰᓂᖅ ᐊᒻᒪ ᓄᓇᖃᖅᑳᖅᓯᒪᔪᑦ ᓂᐱᖏᑦ.

ᐱᕙᒌᔭᖅᓯᒪᓕᖅᐲᑦ ᐅᐸᖕᓂᐊᕆᐊᒃᓴᖅ 2022 Arctic Arts Summit ᒧᑦ? ᐄᖑᒃᐸᑦ, ᐅᑯᐊ ᕿᒥᕐᕈᓚᐅᑲᒡᓗᒋᑦ:

An inuksuk in a snowy landscape, against a sky with northern lights in hues of green, blue, and purple.
COURTESY WINNIPEG ART GALLERY-QAUMAJUQ.

ᐱᕙᒌᔭᖃᑕᐅᒋᑦ ᔫᑳᓐᓕᐊᕐᓂᕆᓂᐊᖅᑕᕐᓄᑦ

A woman on stage holding a microphone, with a DJ set up in the background
Hildà Länsman and Tuomas Norvio perform at the 2019 Arctic Arts Summit. PHOTO KAISA-REETTA SEPPÄNEN.

ᑭᖑᓂᖔᑦᑎᓐᓂ ᑕᑯᒋᐊᕐᓂᖅ: 2019 Arctic Arts Summit

Artist Blake Lepine dressed in traditonal clothing standing by water

2022 Arctic Arts Summit ᐊᔾᔨᙳᐊᓂ

ᒫᓐᓇ ᑎᑎᕋᖅᑕᐅᖃᑕᐅᒋᑦ

ᑲᑎᒪᔭᖅᑐᖃᑕᐅᓂᐊᖅᑐᑦ ᑲᑎᒪᔭᖅᑐᕐᓗᑎᒃ Arctic Art Summitᒧᑦ ᖃᐃᖁᔭᐅᓯᒪᓂᐊᖅᐳᑦ**−ᒥᑐᐊᖅ, ᐊᑐᓂ ᓄᓇᓕᒡᔪᐊᓂ ᐊᒻᒪ ᑲᓇᑕᒥ ᑲᒪᒋᔭᒃᓴᖃᖅᑐᓂᒃ ᓂᕈᐊᕆᐊᖃᖅᑐᓂᒃ ᑭᒡᒐᖅᑐᐃᔨᒃᓴᒥᓂᒃ.

ᐃᓚᐅᓂᖅ ᐅᓂᒃᑳᖅᑎᐅᓗᓂ, ᓴᓇᙳᐊᖅᑎᐅᓗᓂ ᐅᕝᕙᓘᓐᓃᑦ ᖁᙱᐊᖅᑕᐅᓗᓂ ᐅᐸᒍᑎᓯᒪᓗᓂ ᐅᑭᐅᖅᑕᖅᑐᒥ ᓴᓇᙳᐊᕐᓂᕐᒧᑦ ᑲᑎᒪᕐᔪᐊᕐᓂᕐᒧᑦ ᖃᐃᖁᔭᐅᓯᒪᓪᓗᐊᑕᖅᐳᑦ, ᓂᕈᐊᖅᑕᐅᓪᓗᑎᒃ ᐱᓕᕆᐊᒃᓴᓕᕆᔨᓄᑦ ᐅᑯᓇᙶᖅᑐᓂᒃ ᐅᑭᐅᖅᑕᖅᑐᒥ ᓴᓇᙳᐊᕐᓂᕐᒧᑦ ᑲᑎᒪᕐᔪᐊᖅᑐᓂᒃ ᐱᓕᕆᔨᐅᖃᑕᐅᔪᓂᒃ ᐊᒻᒪ ᑰᓕᒃᑎᓂᒃ, ᐃᓚᖃᖅᖢᓂ ᓄᓇᓕᖕᓂ ᐊᒻᒪ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓂᒃ.

ᖃᐅᔨᒪᓂᐊᕐᐳᓯ, ᑭᓯᐊᓂᓕ, ᓴᓇᐅᒐᓕᐅᖅᑎᑦ ᐃᓚᐅᖁᔭᐅᓲᑦ 2022 Adäka Cultural Festival−ᒥ.

ᐃᓚᖏᑦ ᑭᒃᑯᑐᐃᓐᓇᕐᓄᑦ ᖃᓄᐃᓕᐅᕐᓂᐅᔪᑦ ᐸᕐᓇᑕᐅᒪᔪᑦ ᐅᐸᓪᓗᑎᒃ ᑲᑎᒪᓂᕐᒧᑦ. ᑖᒃᑯᐊ ᐱᓕᕆᐊᖑᓛᖅᑐᑦ ᐅᐊᐃᑦᕼᐅᐊᔅᒥ, ᔫᑳᓐᒥ. ᑐᓴᖅᑕᐅᔪᒃᓴᒃᑲᓐᓂᕐᓂᒃ ᑐᓴᖅᑎᑦᑎᔪᖃᓛᓕᖅᐳᖅ ᖃᖓᑦᑎᐊᒃᑯᑦ.

ᑲᓇᑕᒥ ᓴᓇᙳᐊᖅᑎᑦ ᑲᑎᒪᔨᖏᑦ ᐊᒻᒪ ᔫᑳᓐ ᒐᕙᒪᒃᑯᑦ ᐊᐅᓚᑦᑎᔨᓪᓗᐊᑕᐅᑎᓪᓗᒋᑦ, ᖃᔅᓯᑲᓪᓚᑦ ᑲᑐᔾᔨᖃᑎᒌᑦ ᐊᒻᒪ ᐃᓄᐃᑦ ᐃᓚᐅᕗᑦ 2022-ᒥ ᐅᑭᐅᖅᑕᖅᑐᒥ ᓴᓇᙳᐊᕐᓂᕐᒧᑦ ᑲᑎᒪᕐᔪᐊᕐᓂᖅ ᐃᖏᕐᕋᑦᑎᐊᖁᓪᓗᒍ.

ᑕᑯᔭᖅᑐᖅᑐᖃᕐᓗᓂ ᐊᑕᖐᔪᒥᒃ ᑎᑎᕋᖅᓯᒪᔪᓂᒃ ᐱᓕᕆᖃᑎᒋᔭᐅᓯᒪᔪᓂᒃ ᐱᓕᕆᖃᑎᒌᒃᑐᓂᒡᓗ. ᓄᑖᖑᓛᓄᑦ ᓄᑖᙳᕆᐊᖅᓯᒪᔪᓄᑦ ᐊᑎᓕᐅᕆᑦ ᐱᕙᓪᓕᐊᔪᖁᑎᑦᑎᓐᓄᑦ.

ᖃᕆᑕᐅᔭᒃᑯᑦ

ᖃᐃᖁᔭᐅᕗᑎᑦ ᕿᒥᕐᕈᖁᔭᐅᓪᓗᑎ ᐱᓕᕆᖃᑎᖃᕐᓗᑎᓪᓗ ᐅᑭᐅᖅᑕᖅᑐᒥᑦ ᓴᓇᙳᐊᕐᓂᕐᒧᑦ ᑲᑎᒪᓂᕐᒧᑦ ᐃᑭᐊᖅᑭᕕᖓᓂᑦ. ᖃᕆᑕᐅᔭᒃᑯᑦ ᐱᓕᕆᐊᒃᓴᖅ ᖃᕆᑕᐅᔭᒃᑯᑦ ᐃᓂᒋᔭᐅᕗᖅ ᐃᓚᐅᑎᑦᑎᓂᐊᕐᓗᓂ 2022 Arctic Arts Summit−ᒧᑦ ᐱᔾᔪᑕᐅᔪᓄᑦ, ᐊᑕᖃᑎᖃᖅᖢᓂ ᐅᑭᐅᖅᑕᖅᑐᒥ ᓴᓇᙳᐊᖅᑕᐅᕙᒃᑐᓄᑦ ᐃᓕᖅᑯᓯᕐᓄᓪᓗ, ᓇᓂᓯᒃᑲᓐᓂᕐᓗᑎᒡᓗ ᖃᐃᖁᔭᐅᓯᒪᔪᓂᒃ ᑰᓕᒃᑎᓂᒃ. ᓄᑖᓂᒃ ᐃᓗᓕᖅᑕᖏᓐᓂᒃ ᐃᓚᓯᔪᖃᖃᑦᑕᕐᓂᐊᖅᐳᖅ ᖃᖓᙳᕌᖓᑦ. 

ᓴᖅᑭᔮᑲᐅᑎᒋᔪᑦ ᐊᑐᐃᓐᓇᐅᓂᐊᖅᑐᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᕆᓂᖕᒥᑦ Facebook & Instagram−ᒥᓪᓗ!

ᐃᓄᐃᑦ ᓴᓇᙳᐊᕐᓂᕐᒧᑦ ᑐᙵᕕᖓᑦ ᐱᓕᕆᐊᖃᖅᐳᑦ ᐋᖅᑭᒃᓱᐃᔨᐅᓪᓗᑎᒃ ᑲᑎᒪᕐᔪᐊᕐᓂᐅᑉ ᖃᕆᑕᐅᔭᒃᑯᑦ ᐊᑐᖅᐸᒃᑕᖓᓂᒃ. ᐱᖃᖅᑎᐅᖃᑕᐅᔪᑦ ᑐᒃᓯᕋᕈᓐᓇᖅᑐᑦ ᑐᓴᐅᒪᔾᔪᑎᒃᓴᓂᑦ ᖃᓄᖅ ᑐᒃᓯᕋᕈᓐᓇᕐᒪᖔᑦ ᐃᓗᓕᒃᓴᖏᓐᓂᑦ [email protected].

ᖃᐅᔨᓇᓱᒡᓗᒋᑦ ᐃᓗᓕᖏᑦ ᐃᓚᐅᓗᑎᒡᓗ ᐅᖃᖃᑎᒌᖕᓂᕐᒧᑦ.   |  ᑐᓴᐅᒪᖃᑕᐅᖏᓐᓇᕆᑦ ᑎᑎᕋᒃᑲᓐᓂᕐᓗᑎᑦ ᐱᕙᓪᓕᐊᔪᖁᑎᑦᑎᓐᓄᑦ.

ᐋᒃᑲ. ᒫᓐᓇᐅᔪᖅ ᐅᑭᐅᖅᑕᖅᑐᒥ ᓴᓇᙳᐊᕐᓂᕐᒧᑦ ᑲᑎᒪᓂᖅ ᑐᒃᓯᕋᕐᕕᐅᔪᓐᓇᙱᑦᑐᖅ ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᔪᒪᓂᕐᒧᑦ ᑲᑎᒪᑎᓪᓗᒋᑦ. ᐃᕐᖐᓐᓈᖅᑕᐅᒃᑯᑦ ᑎᑎᕋᓵᓚᐅᕈᕕᑦ ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᓂᐅᑉ ᒥᒃᓵᓄᑦ, ᖁᔭᓐᓇᒦᒃ! ᖁᔭᒋᕙᑦᑎᒋᑦ ᐱᔪᒪᓂᕆᔭᐃᑦ ᐱᓯᒪᐃᓐᓇᕐᓂᐊᖅᖢᑎᒍᓪᓗ ᐱᔪᒪᓂᕆᔭᐃᑦ ᑎᑎᖅᑲᖁᑎᒋᔭᐅᔪᓄᑦ ᐱᑕᖃᕐᓂᖅᐸᑦ ᐊᑭᓕᖅᓱᖅᑕᐅᙱᖦᖢᑎᒃ ᒪᑐᐃᖅᓯᓂᕐᒥᒃ.

*ᖃᐅᔨᒪᖁᔭᐅᕗᓯ: ᐊᒥᓲᓂᕐᓴᐃᑦ ᑲᑎᒪᓛᖅᑐᑦ ᖃᓪᓗᓈᑐᑦ. ᑐᑭᓕᐅᕆᔭᐅᓂᖏᑦ ᖃᓄᐃᓕᐅᕐᓂᐅᔪᓄᑦ ᑭᓪᓕᖃᕐᓂᐊᖅᑐᑦ ᖃᓄᐃᓕᐅᕐᓂᐅᔪᓄᑦ.