ᐅᕙᒍᑦ, ᑐᙵᓱᒃᑎᑦᑎᔨᐅᔪᑦ ᐊᒻᒪᓗ ᐋᖅᑭᒃᓱᐃᔨᐅᔪᑦ ᑕᒪᑐᒪᓂ ᐅᑭᐅᖅᑕᖅᑐᒥᑦ ᓴᓇᐅᒐᓕᐅᖅᑎᑦ ᑲᑎᒪᕐᔪᐊᕐᓂᐅᔪᒥᑦ 2022-ᒥᑦ, ᐃᓕᑕᖅᓯᕗᑦ ᐃᒃᐱᒍᓱᑦᑎᐊᖅᖢᑎᒡᓗ ᐅᓄᖅᑐᐊᓗᖕᓂᒃ ᐅᖃᐅᓯᖃᖅᑐᓂᒃ ᑕᒫᓂ ᐅᑭᐅᖅᑕᖅᑐᒥᐅᑕᐅᔪᓂᑦ.
ᑐᓴᒐᒃᓴᒻᒪᕆᐅᔪᖅ ᑕᒪᑐᒪᓂ ᖃᕆᓴᐅᔭᑎᒍᑦ ᑕᑯᒃᓴᐅᑎᑕᐅᕗᖅ ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ, ᑖᒃᑯᐊᒃ ᒪᕐᕉᒃ ᐅᖃᐅᓯᕆᔭᐅᓲᖑᔪᑦ ᑲᓇᑕᒥᑦ, ᐊᒻᒪᓗᑦᑕᐅᖅ ᐃᓄᒃᑎᑐᑦ, ᐅᖃᐅᓯᒻᒪᕆᒋᔭᐅᔪᖅᑕᐅᖅ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᑲᓇᑕᐅᑉ ᐅᐊᖕᓇᖓᓂᕐᒥᐅᓄᑦ, ᐊᒻᒪᓗ ᑲᓇᖕᓇᖓᓂᕐᒥᐅᑦ ᑐᑦᓱᓐ, ᐊᓪᓚᓄᑦ ᐅᖃᐅᓯᕆᔭᐅᔪᑦ ᐅᓄᖅᑐᐊᓗᖕᓄᑦ ᑕᕝᕙᓂ ᔫᑳᓐᒥᐅᑦ ᓄᓇᖓᓐᓂᑦ ᐊᒻᒪᓗ ᐅᖃᐅᓯᕆᔭᐅᔪᑦ ᑖᒃᑯᓇᖓᑦ ᓄᓇᓕᖏᓐᓂᕐᒥᐅᓂᑦ ᑲᑎᒪᕝᕕᒃᔪᐊᓕᖅᐸᑕ ᑐᙵᓱᒃᑎᑦᑎᓂᐊᖅᑐᑦ.
ᑕᐃᒪᓕ ᑕᕝᕙᓂ ᖃᕆᓴᐅᔭᑎᒍᑦ ᑕᑯᔭᐅᔪᓐᓇᕐᓂᐊᖅᑐᖅ ᐅᖃᐅᓯᕐᓂᒃ ᐊᑐᕐᓗᑎᒃ ᐋᖅᑭᒃᑕᐅᓯᒪᔪᓂᒃ ᐅᕝᕙᓘᓐᓃᑦ ᓴᓇᔭᐅᓯᒪᔪᓂᒃ.
ᓇᓗᓇᐃᖅᓯᕗᒍᑦ ᖃᓪᓗᓈᑎᑑᖅᑐᑦ ᐱᓗᐊᕐᓂᖅᓴᐅᖕᒪᑦ ᖃᕆᓴᐅᔭᑎᒍᑦ. ᐱᔾᔪᑎᒋᓪᓗᒍ ᖃᓪᓗᓈᑎᑐᑦ ᐅᖃᐅᓯᖅ ᐊᑐᖅᑕᐅᓂᖅᓴᐅᕙᖕᒪᑦ ᑐᑭᓯᔭᐅᓯᒪᑦᑎᐊᖅᖢᓂᓗ ᑕᒫᓂᑦ ᐅᑭᐅᖅᑕᖅᑐᒥᑦ ᐅᓪᓗᒥᐅᔪᖅ. ᑕᐃᒪᓕ ᐱᓇᓱᖕᓂᐊᖅᐳᒍᑦ ᑎᓕᐅᕆᓗᑕ ᐊᒻᒪᓗ ᕿᓂᕐᓗᑕ ᐃᓚᐅᑎᑦᑎᓇᓱᒃᓗᑕ ᑐᑭᓯᔭᐅᑦᑎᐊᕈᓐᓇᕐᓂᐊᒃᒪᑦ ᐅᖃᐅᓯᓕᖕᓄᑦ ᐅᓄᖅᑐᓄᑦ ᐅᑭᐅᖅᑕᖅᑐᒥᑦ.
ᖃᕆᓴᐅᔭᑎᒍᑦ ᑕᑯᔪᓐᓇᕐᓂᐊᖅᑕᓯ:
ᑐᙵᓱᒃᑎᑦᑎᔨᐅᔪᑦ ᐊᒻᒪᓗ ᐋᖅᑭᒃᓱᐅᔨᐅᔪᑦ ᐅᑭᐅᖅᑕᖅᑐᒥᑦ ᓴᓇᐅᒐᓕᐅᖅᑎᑦ ᑲᑎᒪᕐᔪᐊᕐᓂᐅᔪᖅ 2022 ᓇᓗᓇᐅᖅᓯᕗᑦ ᐊᒻᒪᓗ ᓱᓕᓂᒃᑯᑦ ᑎᑎᕋᖅᑕᐅᓯᒪᔪᑦ ᑕᕝᕙᓂ ᑲᑐᔾᔨᖃᑎᒌᖑᔪᓂᑦ ᓯᓚᕐᔪᐊᕐᒥᑦ ᓱᓕᓂᕋᕈᑎᖏᓐᓂᒃ ᐱᔪᓐᓇᐅᑎᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ (UNDRIP) ᐊᒻᒪᓗ ᐃᓕᑕᕆᓯᒪᓪᓗᒋᑦ ᐱᔪᓐᓇᐅᑎᒋᓐᓂᒃ ᐊᒻᒪᓗ ᐃᑦᑕᕐᓂᓴᑐᖃᓃᑦᑐᑦ ᓄᓇᖏᓐᓂᑦ ᑖᒃᑯᓄᖓ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐅᑭᐅᖅᑕᖅᑐᓕᒫᒥᑦ ᐊᒻᒪᓗ ᓯᓚᕐᔪᐊᓕᒫᒥᑦ. ᐃᓕᑕᖅᓯᒋᕗᒍᑦ ᐃᒃᐱᒍᓱᑦᑎᐊᖅᖢᑕᓗ ᐃᓅᔪᓂᒃ ᓄᓇᓕᖕᓂᒃ ᓇᓂᓕᒫᖅ ᐅᑭᐅᖅᑕᖅᑐᓕᒫᒥᑦ.
ᓄᓇᒥᑦ ᐊᒃᑐᐊᓂᖃᖅᑐᑦ, ᓄᓇᖁᑎᒋᔭᐅᔪᓄᓪᓗ, ᐃᑦᑕᕐᓂᓴᑐᖃᕆᔭᐅᔪᓪᓗ, ᐊᒻᒪᓗ ᐃᓕᖅᑯᓯᑐᖃᕆᔭᐅᔪᑦ ᐱᒻᒪᕆᒋᔭᕗᑦ ᑭᒃᑰᓂᑦᑎᓐᓂᒃ ᐃᓅᓪᓗᑕ ᐊᒻᒪᓗ ᐃᓄᖃᑎᒌᒍᑎᒋᔭᑦᑎᓐᓂᒃ. ᐅᐱᒋᔭᖃᒻᒪᕆᒃᐳᒍᑦ ᐊᒃᑐᐊᓂᖃᕐᓂᑦᑎᓐᓂᒃ ᓄᓇᒥᑦ ᐊᒻᒪᓗ ᐊᖏᕈᑎᖃᑦᑎᐊᕐᓂᑦᑎᓐᓂᒃ ᐃᖏᕐᕋᓂᑦᑎᓐᓂᒃ ᓴᓇᕙᓪᓕᐊᑎᓪᓗᑕ ᐊᔾᔨᒌᑎᑦᑎᓂᕐᒥᑦ, ᑲᔪᓯᑦᑎᐊᕈᓐᓇᕐᓂᕐᒥᒃ, ᖃᓄᐃᓕᖓᓂᑦᑎᓐᓂᒡᓗ, ᐊᒻᒪᓗ ᐱᓕᕆᖃᑎᒌᑦᑎᐊᕐᓂᕐᒥᒃ ᓯᕗᓂᒃᓴᖃᑦᑎᐊᕐᓗᑕ.
Are you sure you want to do this?
|
No results were found, please try again with different search options.
|
|
No results were found, please try again with different search options.
|
